Lopes Trovão

Lopes Trovão (1848-1925)
El la Diĝita Hemeroteko el Lisbono.
Persona informo
Naskiĝo	23-a de marto 1848 en Angra dos Reis,  Brazilo
Morto	17-a de julio 1925 en Rio-de-Ĵanejro,  Brazilo
Lingvoj	portugala
Ŝtataneco	Brazilo
Okupo
Okupo	politikisto

José LOPES da Silva TROVÃO aŭ simple Lopes Trovão (1848-1925) (* Angra dos Reis, en la 23-a de marto 1848 - Rio-de-Ĵanejro, en la 17-a de julio 1925) estis brazila historiisto, oratoro, kuracisto, ĵurnalisto kaj politikisto.

Biografio

Lopes Trovão.

Filo de José Maria dos Reis Lopes Trovão kaj Maria Jacinta Lopes Trovão, li diplomiĝis pri Medicino de la Fakultato de Rio de Ĵanejro, kaj estis diplomato kaj elektita deputito por la mandatoj 1891-1894, kaj poste, senatano de la Respubliko inter 1895 kaj 1902. Li estis ankaŭ unu el la respublikanaj propagandistoj pli aktivaj, kaj arda aboliciisto, atakante la strukturon de la brazila imperio ĝis ties falo, en 1889, krom estis unu el la subskribintoj de la Respublikana Manifestado en 1870.

Li estris grupon da respublikanoj ĝis la domo de la marŝalo Deodoro da Fonseca, en la mateno de la 19-a de novembro 1889 kun la nova Konstitucia Flago de Brazilo. Deodoro malakceptis la flagon prezentitan de Lopes Trovão, konsiderinte ĝin kopion de la usona flago. La respublikanoj insistis ke Deodoro nur devis sankcii la flagon de ili prezentita, konsiderante ke ĝi jam tremetis sur la masto en la alta maro, sur la pinto de Alagoaso, la ŝipo kiu kondukis la imperiestron Petro la 2-a al la ekzilo.

Li estis eldonisto de la "Jornal da Tarde" (Vesperĵurnalo) kaj ankaŭ de la ĵurnalo "O Combate" (La batalo), krom kunlabori en la Respublikana Galerio (1882-1883).

Verko

• Le Vicomte de Rio Branco, Joseph Marie da Silva Paranhos 16-a de marto, 1819.

Literaturo

• senado.gov.br
• Literatura Digital

Vidu ankaŭ

• Adelino Fontoura (1859-1884)
• Deodoro da Fonseca (1827-1892)
• Petro la 2-a (1825-1891)